လက်မှတ်ပေးတာ ဘယ်သူလဲ

လက်မှတ်ပေးတာ ဘယ်သူလဲ

       လက်ထပ်ပြီး နောက်နေ့မနက်မှာ အသစ်စက်စက် လင်မယားနှစ်ယောက်ဟာ မိဘတွေ လက်ဖွဲ့တဲ့ တစ်ထပ်တိုက်လေးထဲမှာ လက်ဖွဲ့တွေကို စစ်ဆေးကြည့်နေကြတယ်။ နှစ်ဖက်မိဘတွေဟာ အရမ်းချမ်းသာတဲ့ သူဌေးတွေ ဖြစ်ကြလို့ လက်ဖွဲ့တွေကလည်း အဖိုးတန်ပစ္စည်းတွေနဲ့ ပိုက်ဆံတွေ များပါတယ်။ နောက်ဆုံးလက်ဖွဲ့အထုတ်ကို ဖေါက်လိုက်တယ်။ အထုတ်ထဲမှာ စာအိတ်ဖြူ တစ်ခုကို တွေ့ရတယ်။ စာအိတ်ကို ဖေါက်ကြည့်လိုက်တော့ နောက်အပတ်မှာ လုပ်မယ့် နာမည်ကြီး အဆိုတော်တစ်ယောက်ရဲ့ Live Show ပွဲတစ်ခုရဲ့ ရှေ့ဆုံးတန်းက လက်မှတ်နှစ်စောင် ဖြစ်နေတယ်။ အဲဒီ Show ပွဲရဲ့ လက်မှတ်ခဟာ အရမ်းဈေးကြီးသလို လက်မှတ် ဝယ်လို့လည်း မရတော့ဘူး။ ဖျော်ဖြေမယ့် အဆိုတော်ဟာ သူတို့နှစ်ယောက်စလုံး အင်မတန်ကြိုက်နှစ်သက်တဲ့ အဆိုတော်ပါ။

     သူတို့ နှစ်ယောက်ဟာ လက်မှတ်တွေကို ကြည့်ပြီး အရမ်းဝမ်းသာသွားကြတယ်။ လက်မှတ်တွေနဲ့အတူ ပန်းရောင်စာရွက်ခေါက်လေး တစ်ခုကို တွေ့လို့ ဖြန့်ပြီး ဖတ်ကြည့်လိုက်ကြတယ်။ စာရွက်ပေါ်မှာ ရေးထားတာက "လက်မှတ်ပေးသူကို မှန်းဆကြည့်ပါ" တဲ့။ စာအောက်မှာ နာမည်မပါဘူး။ လင်မယားနှစ်ယောက်ဟာ နောက်နေ့ကျတော့ သူတို့မိတ်ဆွေကို မေးကြည့်တယ်။ လက်မှတ်တွေ ပေးသူလားလို့။ အားလုံးက သူတို့မဟုတ်ဘူးလို့ ပြောကြတယ်။ လင်မယားလည်း လူကုန်သလောက် မေးပြီးလို့ လက်မှတ်ပို့သူကို ရှာမတွေ့တာကြောင့် လက်လျှော့လိုက်ကြတယ်။ ဘာပဲဖြစ်ဖြစ် လက်မှတ်ပေးသူကို ကျေးဇူးတင်နေကြတယ်။
Show ပွဲ စမယ့် ညနေမှာ သူတို့လင်မယားဟာ နာမည်ကြီး စားသောက်ဆိုင် တစ်ခုမှာ ထမင်းစားကြတယ်။ ပြီးမှ Show ပွဲကို သွားကြည့်တယ်။ Show ပွဲဟာ လူအပြည့်ပါပဲ။ တီးတာ ဆိုတာတွေကလည်း အရမ်းကောင်း၊ ပရိသတ်ကလည်း သီချင်းတွေ လိုက်ဆိုကြဆိုတော့ ပျော်စရာ အလွန်ကောင်းတယ်။ အဆိုတော်ကလည်း သူတို့ကြိုက်တဲ့ သီချင်းတွေကို အများဆုံး ဆိုသွားလို့ လင်မယားနှစ်ယောက်ဟာ အရမ်းပျော်နေကြတယ်။ Show ပွဲက ည ၁၁ နာရီမှ ပြီးတယ်။
           အိမ်ကို သူတို့ကားလေးနဲ့ ပြန်လာကြတယ်။ လမ်းမှာ သူတို့ဟာ Show ပွဲ ဘယ်လောက် ကောင်းကြောင်း၊ အဆိုတော်ကို အနီးကပ်မြင်တွေ့ရလို့ ကျေနပ်ကြောင်းနဲ့ လက်မှတ်ပေးတဲ့ သူကိုလည်း အရမ်းကျေးဇူးတင်ကြောင်းတွေ တဖွဖွပြောလာကြတယ်။
         သူတို့ အိမ်ပြန်ရောက်ပြီ။ သော့ခတ်ထားတဲ့ ခြံဝင်းတ့ခါးပွင့်နေတယ်။ ခြံဝင်းထဲမှာ ကားရပ်ပြီးတာနဲ့ နှစ်ယောက်စလုံး ကားပေါ်က ကမန်းကတန်းဆင်းပြီး အိမ်ဆီကို ပြေးသွားကြတယ်။ သော့ခတ်ထားတဲ့ အိမ်တံခါးမကြီးလည်း ပွင့်နေတယ်။ သူတို့ အိမ်ထဲကို စိုးရိမ်တကြီးနဲ့ ဝင်လိုက်တယ်။
        အိမ်ထဲက ဘီရိုအံဆွဲတွေ၊ စားပွဲအံဆွဲတွေ ပွင့်နေတယ်။ အိပ်ခန်းထဲမှာလည်း မွှေနှောက်ရှာထားလို့ ပစ္စည်းတွေ ပျံ့ကျဲနေတယ်။ သူတို့ပိုင်တဲ့ ရွှေ ငွေ ရတနာနဲ့ ပိုက်ဆံတွေ၊ လက်ဖွဲ့ရတဲ့ ပစ္စည်းတွေ ဘာမှ မရှိတော့ဘူး။ အကုန်ခိုးသွားပြီ။
    လင်မယားနှစ်ယောက်လည်း အရမ်းစိတ်ဓါတ်ကျသွားကြတယ်။ မိန်းမလည်း ရှိုက်ကြီးတငင် ငိုနေတယ်။ ခဏကြာတော့ သူတို့နှစ်ယောက်ဟာ ရေသောက်ဖို့ ထမင်းစားခန်းထဲကို ဝင်လိုက်ကြတယ်။ ထမင်းစားပွဲပေါ်မှာ ပန်းရောင်စာရွက်ခေါက်လေး တစ်ခုကို တွေ့လိုက်ကြတယ်။ ယောက်ျားက စာရွက်ခေါက်ကို ကမန်းကတန်း ဖြန့်လိုက်ပြီး နှစ်ယောက်အတူ ဖတ်ကြည့်လိုက်ကြတယ်။
          စာရွက်ပေါ်မှာ ရေးထားတာက "လက်မှတ်ပေးသူကို အခုသိပြီ မဟုတ်လား" တဲ့။ အရင်စာထဲက လက်ရေးနဲ့ အတူတူပဲ။ နာမည် မရေးထားဘူး။
       သင်နဲ့ မရင်းနှီးသူတစ်ယောက်က တစ်စုံတစ်ခုကို အလကားပေးလာရင် သတိထားပါ။ အထူးသဖြင့် ဈေးကြီးတာကို အလကား ပေးလာတယ်ဆိုရင် ပိုပြီး သတိကြီးကြီး ထားလိုက်ပါ။
"လောကကြီးမှာ ဘယ်ဟာမှ အလကားမရပါ"
There is no such thing as something for nothing (Napoleon Hill's quote).
ဗန်းမော်သိန်းဖေ

# Credit to original